Waarom die Epic Twee as een van Suid-Afrika se voorste sports-skiet luggewere uitstaan

Ek het onlangs by Patriot ’n Epic Twee 700 mm PCP-luggeweer gekoop, en ek wil net laat weet hoe tevrede ek is met die aankoop. Ek het al ander, baie bekende PCP luggeweer handelsmerke besit, maar die verskil vir my lê in die Epic Twee se uitstaande bougehalte. Die afwerking is puik — ek sal sê militêre standaard, as dit nie beter is nie.

Hy is ’n bietjie swaarder as die norm, maar op ’n goeie manier — stewig en vol vertroue. Hy voel goed in die skouer; nie te swaar nie, net gemaklik — en hy gee daardie soliede gevoel wanneer jy oor skietstokke of van ’n rus af skiet.

Die opvoubare kolf werk uitstekend. Met die kolf opgevou is hy sowat 97 cm lank— net onder een meter — dus lekker kompak. Vir vervoer pas hy maklik in ’n motor se kattebak; jy het beslis nie ’n bakkie nodig nie.

Die geweer “tune” ongelooflik maklik. Met my vorige model, van ’n ander vervaardiger, was ek altyd huiwerig om self te verstel — ek het dit eerder winkel toe gestuur vir fyn instelwerk. Hulle was baie presies, en selfs ’n klein temperatuurverskil het beteken ons moes weer verstel. Sonder ’n chronograaf of eie skietbaan was dit maar ’n gedoente.
Met die Epic Twee het ek egter by die skietbaan gaan sit, en binne sowat 45 minute het ek hom ingestel om 3-skootgroepe op 150 meter te skiet. Die proses is regtig eenvoudig — baie gebruikersvriendelik — en enigeen met ’n bietjie geduld kan dit doen.

Hy kom in ’n stewige dra-tas, wat ek waardeer vir beskerming tydens vervoer. Die CZ-loop gee vir hom uitstekende stabiliteit; hy is styf en konsekwent — wat natuurlik bydra tot sy akkuraatheid.

Ek het ’n slug gekies en die geweer daarvolgens ingestel, en ek glo jy kan feitlik enige projektiel fyn instel vir goeie presisie. Soos die meeste PCP’s luggewere het hy natuurlik sy voorkeure, maar jy kan met bietjie moeite amper enige projektiel laat werk.

Die aksie is besonder glad — beslis gladder as vorige modelle wat ek besit het. Partykeer merk jy skaars dat ’n patroon gelaai is. Die cocking-lever voel positief en presies, en een van die groot hoogtepunte is die sneller. Dit is fantasties — lig, skerp en maklik om verstel. Binne sowat 10 minute, met net ’n paar stukkies gereedskap, het ek dit perfek na my smaak gestel.

Ek gebruik tans die Epic Twee vir veldskiet tot 150 meter, en die resultate is uitstekend. Ek het al twee kompetisies geskiet en 3-skootgroepe op 40 meter vanuit ’n staande posisie oor skietstokke geskiet — die akkuraatheid is beslis daar. Hy is ook meer vergewensgesind as my vorige gewere, en die stewige gewig help beslis. Met die teleskoop op weeg hy sowat 5,6 kg, wat vir ’n mooi gebalanseerde gevoel in die skouer sorg.

Oor die algemeen presteer die Epic Twee 700 mm PCP -luggeweer uitstekend, of jy nou van die bank af skiet, in die veld of op ‘n jag is.

Baie dankie aan Patriot vir uitstekende diens — die hele aankoopervaring was positief. Ek kan die Epic 2 met volle vertroue aanbeveel vir enigeen wat ernstig is oor presisie-skiet in Suid-Afrika. – – Wimpy van der Merwe.